Часть штрайкуючіх штудентів Факулты інформатікы і інформачных технолоґій Словацькой технічной універзіты (FIIT STU) в Братіславі вчера оголосили протестны акції. Причінов є актуална сітуація на факулті. Окрім того вызывають декана FIIT STU Івана Котуліака, абы одступив зо свойой функції. Штуденты у своїм выголошеню пишуть, же душа факулты умерать. Указали на то, же нове веджіня факулты “баґателізує безнадійны выкрикы штудентів, котры жадають якість.“ Під вызву є підписаных за інформаціями TASR вецей як 300 штудентів. (TASR, Pkf)