Новоприяты шандарї будуть мочі жадати о дочасный наборовый прыспівок у вышцї 5000 евр і будучій рік. Выходить то зо зміны закона о штатній службі членів Поліцайного збору, Словацькой інформачной службы, Збору везеньской і юстічной стражі і  Желїзнічной поліції, котру посланцї Народной рады СР схавалили в середу. Платность бы мала надобыти 1. децембра. TASR о тім інформовав пресовый одбор Канцеларнї міністерства внутрїшнїх дїл СР. ,,Пракс превказує оподстатнїня дочасного наборового прыспівку, котрый помагать ку підвышеному інтересу о штатну службу в Поліцайнім зборі а помагать так стабілізовати персоналну сітуацію в нім. Зато є вгодне в ёго додаваню продовжовати і надале а будуть о нёго мочі пожадати і шандарї прияты в роцї 2026,” пояснили з резорту. Міністерство внутрїшнїх дїл пояснило, же і дякуючі наборовій кампани stansapolicajtom.sk евідує в тім роцї веце як 6400 жадостей о приятя до Поліцайного збору. ,,Приятых было в тім роцї 976 шандарїв.

(TASR, Шутіова)