Слобода є одповідність была назва понедільковой пресконференції премєра Іґора Матовіча, котрый оголосив, же од 6-го мая спущать ся вєдно друга і третя фаза увольньованя економікы. Одкрывають ся вшыткы склепы окрім накупных центрів, службы ся будуть мочі выконовати в обмедженых режімах, включно уквартельованя. Так само ся од 6-го мая обновлюють публічны боголсужіня з обмедженов кількостьов людей. Як Матовіч інформовав, по договорі з Конференційов єпіскопів Словакії бы мали быти в храмах вызначены місця, де можуть люди сидіти або стояти. Рекомендованы суть подля премєра окремы богослужіня про сеніорів. В храмі буде обовязком мати охранну маску а дезінфіковати собі рукы. Причастя можуть давати священици лем до рук, рекомендує ся люфтованя простору. Поступне одкрываня школ і матерьскых школ буде темов серії окремых стріч, в грі є веце можливостей, повів председа влады. (Медвідь, TASR