Місто Гуменне планує знова зреалізаційов проєкту Гражданскых патроль в осаді Подскалка. По успішній премєрі проєкту містных гражданскых порядковых служб в рокох 2014 і 2015 гуменска радниця зареаґовала на вызву міністерства внутра і подала жадость о здобытя ненавратного фінанчого вкладу на їх дальше фунґовання. Як інформувала Міхаела Доханова з пресового реферату Міського уряду в Гуменнім, в рамках проєкту планує самосправа вытворити вісем робочіх місць про членів містной гражданской порядковой службы. Проєкт бы ся мав зачати в септембрі і реалізувати в перебігу трьох років. Цілковы законны выдавкы проєкту суть напланованы у вышкі 201 000 евр, з котрых сполуфінанцованя міста бы было у вышкі 5 процент, то значить 10 000 евр.
(Петро Кімак-Фейко)