x

Од будучого рока змінить здравотну поіщовню веце як 123 000 людей

00

Інтерес о зміну здравотной поіщовнї проявили і в тім роцї десяттісячі людей. Уряд про догляд над здравотнов старостливостёв акцептовав 123 196 приглашок на зміну здравотной поіщовнї од зачатку будучого рока, 4 083 не акцептовав. Інформовала о тім в четверь ёго говоркыня Андреа Піварчіова. Як выходить з выслїдків перепоіщованя, клієнты прибудути од будучого рока лем приватній здравотній поіщовнї Dôvera. Цілково єй по зоглядніню приходів і одходів прибуде 45 802 кліентів. Наспак, Общій здравотній поіщовнї убуде 39 235 кліентів а приватній поіщовнї Уніон убуде 6 567 кліентів. Можность перепоістити ся од будучого рока мають люде раз рочнї, а то до 30. септембра. В припадї зміны поіщєнцї аж до кінця рока хоснують превказ поіщєнця і европскый превказ своёй дотеперїшнёй здравотной поіщовнї. Поіщенець є повинный ознамити зміну свому заместнавателёви. Самостатно заробково чінна особа, котра змінить здравотну поіщовню, є повинна писомно ознамити новій здравотній поіщовни вышку преддавку на поістне до 8. януара.
(Зденка Цітрякова)