Минулого тыждня Народна рада Словацькой републікы схвалила новелу закона о штреках, котра переберать европскы інштрукції о желізнічнім транспорті. Новела окрім того пошырює і двоязычность на желізніці. „Парламент схвалив нову верзію закона о штреках, котрый уможнює означіня і желізнічных заставок в языку народностной меншыны. Новелізація із ділні міністра транспорту Ершека завершыть процес означіня желізнічных штацій і заставок од Великого Бєлу аж по Меджілабірці,“ написав на свій офіціалный профіл на сіті Facebook Ласло Буковскый, уповномоченый влады Словацькой републікы про народностны меншыны і етнічны ґрупы. (Лем.фм, Пкф)