Анонімне трестне ознамліня на орґанізаторів протестів За слушне Словеньско, котре ся дотуляло подозріня зо штатного переворуту ці корупції, одмітли. Окресный прокуратор в Братіславі ненайшов в припаді причіну на зачатя трестного конаня. Його вердікт є уж правоплатный. В неділю о тім в Телевізных новинах інформувала  телевізія Маркіза. Трестне ознамліня на орґанізаторів прийшло в октобрі минулого рока. Орґанізаторы ся в згоді з ним мали снажыти о штатный переворот, зміну одношіня в країні і мав їх фінанцовати америцькый фінанчник Джордж Сорош. Поліцайна НАКА собі зачала поступово орґанозаторів призывати і заміряла ся главні на фінанції і банковы розрахункы.Орґанізаторы поважували даный почін за шікануваня і застрашуваня, поліція наопак твердила, же перевірює корупцію і прызывать собі особы, котры могли быти злоужыты і пошкоджены. (ТАСР, Кпф)