Общостна охранкыня прав Марія Патакіёва перевірить уровень контролі дотримуваня людьскых прав сеніёрів в заряджінях соціалных служб на Словакії. І медіалізована кавза приватного заряджіня про сеніёрів Іріс в Братіславі указує за єй словами потребу даной ініціятивы. Выслідкы дослідженя бы мали быти знамы іші в тім року. Омбудсманка звернула увагу на то, же з дотеперь зозбераных інформацій выходить, же наприклад міністерство праці зреалізувало контролю за послідні три рокы в середині лем у вісем заряджінь, што може быти прямов причинов того, же міністерство мать на выконаваня контроль заместнаных лем пять людей. За штатістіками з минулого року на Словакії існує 475 заряджінь про сеніёрів, 391 домів соціялных служб і 222 шпеціялізуваных заряджінь. Позераючі і на дальшы заряджіня є за словами омбудсманкы барз мала правдеподобність, же міністерство выконать контролю у векшыны заряджінь.
(TASR)