Опозічны партії Проґресивне Словеньско (PS), Слобода і Солідарность (SaS) і За людей вызывають міністра здравотницьтва Каміла Шашка (Голос-СД), жебы стягнув нове выголошіня к ліковій політіці. Партії у своїх выголошінях поуказують на то, же споминаный матерял  скомплікує аж заставить приступ ку іноватівным лікам. Критізують тыж, же Міністерство здравотницьтва СР предложыло матерял без діскусії і в скороченім леґіслатівнім конаню. Ексміністер здравотницьтва і посланець Народной рады СР за опозічный рух Словакія Марек Крайчі вычітать владі арґументы, же на новы, модерны і успішны лікы гроші не суть. (TASR, Pkf)