Председа Народной рады СР Ріхард Рашї у четверь продовжовав в навщіві Чіны.У Выходочіньскім містї Нінґ-по святочно отворив Народный кіоск Словакії на 4. рочнику  EXPO China-CEEC (кооперація меджі Чінов і країнами середнёй і выходной Европы), котре ся одбыло довєдна з Меджінародным вельторгом спотребного товару. Подля Рашіго є EXPO в містї Нінґ-по ,, простором сполочных амбіцій, платформов довіры а будучой кооперації країн середнёй і выходной Европы з Чінов, котра мать великый потенціал, ці уж іде о меджіреґіоналне перепоїня, підпору бываня, інтермодалный транспорт, або аґропромыселны іновації.“ Під защітов Словацькой аґентуры про розвиток інвестіцій і обходу ся в словацькім народнім павілонї представує 44 словацькых субєктів з области потравинарства, технолоґій і дізайну, як і словацькы універзіты а технолоґічны лідры.

(TASR, Шутіова)