О фінанції на обнову верейных, історічных і памятково храненых будов з Плану обновы і одолности мож жадати од 1. авґуста. Премєр Едуард Геґер (OĽANO) о тім інформовав на соціалнїй сїтї. ,,Перша вызва, котру 30. юна выголосило Міністерство транспорту і выставбы СР, представлює цїлково 120 міліонів евр. Цїлково є на обнову історічных і памятково храненых будов выдїленых 240 міліонів евр,“ приближыв премєр. Увів, же о вызву можуть пожадати самосправы, верейноправны інштітуції або справцёве маєтку штату. Условіём є мінімално 30 процентне понижаня потребы прімарной енерґії, причім ся мусить вскокотити історічна і памяткова годнота будов. Додав, же підпорены будуть головно тоты опатріня, котры прямо прыспіють ку понижаню енерґетічной нарочности будовы.

(TASR, Шутіова)