Політічны партії або коаліції можуть подавати кандідачны спискы до волеб до Европского парламенту найпізніше до 10-го марца до півночі. Зіставать так нецілый послідній тыждень. Вольбы до европарламенту одбудуть ся на Словакії 8-го юна. Політічна партія або коаліція може на кандідачнім списку мати найвеце 15 кандідатів, інформовало Міністерство внутрішніх справ СР на своїм вебсайті. Кандідачный список може подати політічна партія, котра є рядні зареґістрована. Партії потребують так само заплатити волебну кавцію в сумі 1700 евр. При поданю кандідачных списків треба передати і потверджіня о заплачіню кавції. Словакія собі зволить 8-го юна 15 евродепутатів на 5-річный період.

(Медвідь, TASR)