Пеллеґріні, котрый у пятніцю по демісії премєра Роберта Фіца дістав повіріня од презідента на вытворіня новой влады, вчера приніс до презідентьского палацу список членів владного кабінету, на котрім доїднали сю коалічны партії, котры діспонують 79-ма голосами в парламенті. SNS не вымінила ани єдного зо своїх міністрів, Most-Híd на місце Луції Жітняньской, котра не хоче продовжовати у функції міністеркы справедливости, пропонує Ґабора Ґала. SMER- SD до функції міністра културы номіновав Любицю Лашшакову, за віцепремєра ро інвестіції бы хотів дотеперішнього пріматора Кошыць Ріхарда Рашіго. На найдіскутованішу в останіх днях посаду міністра внутрішніх справ бы Пеллеґріні хотів досадити Йозефа Ража мол. „Днесь є то ґенералный секретарь на міністерстві здравотницьтва. Досправды глядали сьме чоловіка про успокоїня сітуації. Є то чоловік, як мы бісідуєме, з Друкіго тіму. Друкі є скорочіня про Томаша Друкера, і я собі думам, же є то скушеный менежер, котрый тоту функцію без будьякых проблемів звладне,“ повів на пресконференції о номінантови на міністра внутрішніх справ вчера пополідне бывшый премєр і председа найміцнішов партії владной коаліції Роберт Фіцо.
(TASR, Mедвідь)