Передпрімарне навчаня в матерьскых школах про пятьрочны дїти буде повинне. Выходить то з новелы закона о выхові і навчаню, знамого як школьскый закон, котру у четверь схвалили посланцї Народной рады СР. Передпрімарне навчаня ся але не буде раховати до повинной школьской навщівности. Зміны бы мали надобыти діяня од 1. януаря 2021.  Схвалена пропозіція заводить до праксі знижены кваліфікачны передположіня про людей, котры будуть дїти навчати в домашнїм середовиску. Попереднє пропоноване высокошкольске педаґоґічне навчаня ся мінить на середнёшкольске з матурітов. Подля слов подавателїв ся новелов вызначіла напр. i акуратна кількость дїтей, котры можуть быти в класах.

(TASR, Шутіова)