Поліцайт Мілан Сабота, котрого міністер внутра Матуш Ешток поставив мімо службы, ся може вернути до роботы. Выходить то з неодкладного опатріня Містьского суду Братіслава IV, котре опубліковав правный заступця Петер Кубіна. Тот заступує і дальшых поліцайтів поставленых мімо службу. Кубіна припоминать, же при трьох поліцайтох вырішыв суд в їх хосен і в трьох сітуаціях сконштатував, же немать правны компетенції і к суладу діяня міністра зо законом о охрані ознамователів ся невысловив. (TASR, Pkf)