Посланцї Народной рады СР не зволили Любоміра Ґалка (SaS) за підпредседу парламенту. Вырїшыли о тім у четверёвій тайній вольбі, выголосили то в пленї по голосованю- ,,Платить ту лем груба сила, за котров стоїть гнїв, ненавість і недотримованя будьякых договорів,” повів Ґалко з тым, же в парламентї не платить жадна політічна култура. Додав, же треба уж лем вытримати до волеб. Думать сі, же люде сі зроблять властный назор і дають го наяво у вольбах.

(Шутіова, ТАSR)