Третє коло мірных переговорів меджі Москвов і Києвом одбуде ся в середу 23-го юла в Турції, інформовав у понедільок україньскый презідент Володимір Зеленьскый. Російска сторона безпосередно не потвердила то. Турецькый Істанбул быв місцьом першых двох кол прямых російско-україньскых переговорів, котры делеґації реалізовали 16-го мая і 2-го юна. Тоты стрічі не вели ку жадному посуну до закінчіня войны на Україні. Стороны ся лем добісідовали на великій выміні полоненых і впавшых вояків. Жрідло близке Кремлю аґентурі РИА Новости в понедільок повів, же представителі собі будуть на найблизшій стрічі выміняти погляды на меморандумы о своїх представах мірного закінчіня конфлікту, а бісідовати будуть і о дакотрых гуманітарных вопросах. Росія зінтензівнює свої атакы на Україну, причім майже штодень проти ньой посылать стовкы дронів і ракет.

(Медвідь, TASR)