Шеф французьской діпломації Жан-Ноел Баррот у віторок вызвав Ізраіль, жебы уможнив вступ загранічных новинарів до войнов зниченого Пасма Ґазы. Звернув притім увагу на роснучі обавы з голодомору по 21 місяцях конфлікту. Французьскый міністер ся так выразив курто по тім, як пресаґентура AFP остерігала, же жывоты палестіньскых новинарів на вольній нозі, з котрыма в Пасмі Ґазы співпрацує, суть в огрожіню. Баррот вызвав Ізраіль, жебы їм і їх родинам уможнив опустити окуповану побережну теріторію. Міністер так само знова вызвав на безодкладне преміря. За його словами уж не існує жадне оправданя про воєньскы операції ізраільской армії в Пасмі Ґазы, і іде о офензіву, котра лем згіршыть уж і так катастрофічну сітуацію, і запричінить далше примушене высельованя жытелів, што Паріж стріктно одсуджує.

(Медвідь, TASR)