Словакія по добудованю третёго і четвертого ядрового блоку в Моховцях буде експортовати нецїлу десятину своёй енерґії. На конференції „Беспечны додавкы електрины – Secure energy supply – SES 2018“ то у шетверь увів штатный таёмник Міністерства господарства СР Войтєх Ференц. Орґанізатором конференції є Асоціація заместнавательскых союзів і здружінь СР і Словацьке ядрове форум. Уточнює штатный таёмник Войтєх Ференц: „З погляду енерґетічного міксу актуално вырабляме коло 60% із спотребы електрічной енерґії в ядровых електрарнях. Актуално з цїлковой біланції довозиме коло 7% спотребы. Кедь спустиме Моховцї – третїй і шетвертый блок, електрину зачнеме вывозити, тоже в обємі коло 7%“. Ференц підкреслив, же выроба електрины з ядра є безугликова, же є то адекватна награда за выробу з фосілных палив. Дале увів, же енерґетічный мікс, котрый має Словакія в сучасности є цалком в порядку.
(TASR, Цітрякова)