Презідентка Словацькой републікы Зузана Чапутова в понедільок выменовала урядницьку владу, котру на посаді премєра поведе бывшый віцеґубернатор Народной банкы Словакії Людовіт Одор. Нова влада фаховців хоче за словами премєра принести покій і фаховость. Пріорітамі в куртім горізонті суть подля нового премєра Одора забезпечіня рядного ходу державы до передчасных парламентных волеб, приправа одповідного розрахунку на слідуючій рік і проевропска загранічна політіка. За пріоріты на благо будучности Словакії означів новый премєр ефектівне хоснованя европскых грошей, утриманя талентованых людей в країні і поміч слабшым. На понедільковій пресконференції по выменованю влады свої пріоріты представили і вшыткы новы міністры.

(Медвідь, TASR)