На підпору проєктів културы зневыгодненых ґруп перероздїлить Міністерство културы цїлу алокацію в тім дотачнім проґрамі, то є 980.000 евр. ,,Є то од року 2016 першыраз, што ся подарило перероздїлити цїлу плановану частку,“ інформовав резорт. Одборна комісія посуджовала 288 передложеных проєктів, пропоновала підпорити 188 з них. Приближно дві третины з них суть венованы културным актівітам про людей зо здравотным зневыгоднїнём. ,,Єм барз рада, же на нашу вызву зареаґовали жадателї якостныма і змыслуповныма проєктами. Вірю, же тоты пінязї поможуть в такім нарочнім року ґрупам, котры сі заслужать підпору штату,“ увела міністерка културы Наталія Міланова (OĽaNO).

(TASR, Шутіова)