Презідентка Зузана Чапутова з причіны важной епідемічной сітуації у віторок звернула ся писмом до міністра здравотницьтва Марека Крайчі. TASR о тім інформовав говорця головы державы Мартін Стріжінєц. Презідентка в писмі жадать, жебы міністерство на основі рекомендацій ученых, котры формуловали на минулотыждньовій стрічі в Презідентьскім палаці, забезпечіло аналізу позітівных взорок на присутность новых мутацій коронавірусу. „Потрібно нам знати, як на тім сьме. Мусиме знати, з якыма небезпечныма мутаціями вірусу сьме актуално конфронтованы і як выразна є їх присутность,“ написала з тым, же інформації о присутности новых мутацій вірусу бере за ключовы про далшы вырішованя о пандемічных наряджінях в будучности.

(Медвідь, TASR)