Заміром презіденткы Словацькой републікы Зузаны Чапутовой є выменовати новых судців Конштітучного суду будучій тыждень. Про TASR то повів говорця презіденткы Мартін Стріжінєц. Голова державы подля говорцю вже зачала познакомльовати ся із вшыткыма матеріалами потрібныма про рішіня. Парламент зволив у середу 25-го септембра остатніх штирьох кандідатів на конштітучных судців, котрых запропоновав на выменованя презідентці. Конштітучный суд не є повно функчный по тім, як девятьом судцям в половині фебруара скінчів функчный період. Актуално бракує шість із цілково 13-ох судців.

(Медвідь, TASR)