Мадярьско має намагу в Европскій унії скапачати силы із выникаючов чеськов владов і Словакійов із цільом створити аліанцію скептічну односно Україны. У віторок публікованім інтервю про портал Politico то повів Балаж Орбан, котрый є політічным директором Уряду мадярьского премєра Віктора Орбана. Председа мадярьской влады подля Балажа Орбана надіять ся, же ся споїть із Андрейом Бабішом, котрый выграв парламентны вольбы, і зо словацькым премєром Робертом Фіцом. Його заміром є, жебы гармонізовати свої позіції перед засіданями Европской рады. Politico пише, же ку Орбанови, Бабішови і Фіцови бы ся правдоподобно не придав польскый премєр Доналд Туск, котрый належыть меджі найголоснішых підтримователів Україны.

(Медвідь, TASR)