Чеськый презідент Петр Павел у понедільок повірив председу руху ANO Андрея Бабіша їднаньом о зоставліню новой чеськой влады. Інформовала о тім Канцеларія презідента републікы. Павел тот крок подля презідентьской канцеларії зробив на основі резултатів волеб до Посланецькой сеймовні, позіцій окремых парламентных партій, і проходжіня дотеперішніх їднань, о котрых го Бабіш в понедільок інформовав. Павлова канцеларія інформовала, же Бабіш презідентови персоналне обсаджіня нового кабінету затля не представив, но спомянув дакотры особы, о котрых політічны партії діскутують. Повіріня о зоставліню влады не є формалным кроком закотвеным в чеській конштітуції, іде о звык. Бабіш може быти выменованый за премєра аж по установлюючім засіданю Посланецькой сеймовні, на котрім теперішня влада подасть демісію. Тото засіданя презідент скликав на 3-го новембра.

(Медвідь, TASR)