Презідент СР Петер Пеллеґріні у 2025-ім році занимав ся цілково 113-ма законами, котры схвалили посланці Народной рады СР почас парламентных засідань. Із того підписав 107. Аґентуру TASR о тім інформовало Одділіня комунікації Канцеларії презідента СР. Меджі підписаныма законами быв закон о державнім розрахунку на 2026-ый рік. Презідент посланцям вернув 5 законів, меджі ветованыма законами быв і закон о Уряді на охрану жертв карных чінів і оголошователів протиобщественной діятельности. Вето презідента не переломили посланці в єднім припаді, при законі о прокураторах і правных чекателях, закон о ковідовых амнестіях і закон о газарді дотеперь посланці знова в парламенті не отворили.

(Медвідь, TASR)