Председа влады СР Едуард Геґер (OĽANO) не підпорить вызву Smeru-SD а міністра внутрїшнїх дїл СР Романа Мікулця (OĽANO) не одкличе. ,, І кебы удайна награвка бісіды бывшого презідента Фінанчной справы Франтїшка І. з бывшым директором НАКА Бранїславом Зуріаном была автентічна, не є на нєй зазначеный жаден релевантный факт, на основі котрого бы взникало доводне підозрїня о корупчнім справаню ся Романа Мікулця, кедь быв на чолї воєньской розвідкы,“ увів в становиску Уряд влады СР. Опозічный Smer-SD вызвав у четверь премєра, жебы Мікулця одкликав з функції, доводом мать быти важный проблем, котрый видить ёго в корупчнім жывотї. Арґументує медіалізованыма інформаціями, же бывшый шеф фінанчной справы мав говорити о уплатку про Мікулця.

(TASR, Шутіова)