Російскый дронoвый атак на выходоукраїньске місто Харков в ночі на середу выжадав собі найменше 36 пораненых. Суть меджі нима і двoє дітей у віці 9 і 13 років, інформувала о тім поліція і додала, же „лікарі дітям діaґностіковали акутны стресовы реакції”. Як ознамили уряды, іде о третій такый  атак на тоту область за три дні, написала аґентура AFP. Харковска поліція додала, же ночный атак пошкодив веце як десять жытловых домів, школу, супермаркет і станіцю захраной службы і далшы будовы. Про продовжуюче загрожіня російскыма атакми україньскы уряды днесь надраном выголосили поплах на цілій теріторії Україны вєдно з єй западнов частьов. (TASR, Пкф)