Словацькый премєр Роберт Фіцо і председа влады Мадярьска Віктор Орбан підписали в понедільок меморандум о черегранічнім розвитку меджі Словакійов і Мадярьском. Зробили так на Уряді влады в Братіславі. Орбан вчера пришов на офіціалну навщіву Словакії, прияв го і презідент Петер Пеллеґріні. Офіціална навщіва подля премєра Фіца потвердила надшандартны приятельскы односины меджі країнами, але єдночасно і односины межі нима особны. Твердить, же в сучасности не існують жадны отворены політічны вопросы, котры бы країны вырушовали. В припаді потребы суть премєры подля Фіца приготовлены сісти собі і припадны споры рішыти. „В сучасности жыєме в сістемі найліпшых словацько-мадярьскых односин вшыткых часів,“ повів мадярьскый премєр Орбан з тым, же Словакія і Словаци за його словами ся на Мадярів все можуть сполягнути, і Мадяры так само сполігають на Словакію, бо тоты дві країны мають подля Орбана цілый ряд общіх інтересів.

(Медвідь, TASR)