Вольбы до Народной рады Словацькой републікы бы в апрілю выграв рух Progresívne Slovensko із 22,5 процентами голосів. На другім місці бы скінчіла партія Smer-SD, котру бы волило 20,5 процента людей. До парламенту бы ся дістало сім політічных субєктів. Выходить то із сондажи аґентуры AKO про телевізію JOJ 24. Третю найсилнішу підпору бы мала партія Hlas-SD, котра бы здобыла 12 процент голосів. До парламенту бы ся іщі дістав рух Slovensko із 8,7 процентами, KDH із 7,3 процентами, партія SaS, котрій бы дало голос 7,1 процента людей, і рух Republika, якый має підпору на уровни 7-ох процент. Перед бранами парламенту бы зістала партія Demokrati, котру бы підтримало 4,2 процент голосуючіх, SNS із 4,1 процентами, Magyar Szövetség – Maďarská aliancia із 4-ма процентами, а рух Sme rodina, якый має підпору 1,5 процента. Решта політічных субєктів бы здобыла менше як єдно проценто голосів.

(Медвідь, TASR)