Векшына самосправ ся подля Здружіня міст і сел Словакії буде знати приспособити авізованым змінам в приїманю дїтей до матерьскых школ. В дакотрых припадах але буде треба роковати з резортом школства. Председа ЗМОС Йосиф Божік то про TASR увів в реакції на замір завести повинне приїманя дїтей на передпрімарне навчаня до МШ поступно од штирёх років а наслїдно од трёх років. ,,Доісна сі думам, же векшына самосправ, позераючі на то, же ся нам нараз понижує кількость народженых дїтей, ся буде знати приспособити. Уж днесь маме самосправы, подобно як і в Партізаньскім, же мы послїднїх 10 або 12 років без проблемів знаме вытворити простор про вшыткы тройрочны дїти“ підкреслив Божік. В дакотрых припадах але подля нёго іщі будуть потребны рокованя з міністром школства Томашом Друкером (Hlas-SD). 

(TASR, Шутіова)