Штиридцять міліонів евр зо штатных фінанчных актів на підвышіня основного іманія Общой здравотной поіщовни (ОЗП) ся мать уволнити уж до конця авґуста. Выходить то з ініціатівного матеріалу з дїлнї Міністерства здравотництва СР, котрый у четверь схвалила влада. Влада іщі в марцу одобрила підвышіня основного іманя ОЗП до 160 міліонів евр. Увольнїня 120 міліонів евр было залежне од контракту меджі ОЗП і додавательми конштітучной здравотной старостливости в пособности штату. Условія на увольнїня части штатных фінанчных актів до вышкы 40 міліонів евр управлёвало меморандум меджі резортами здравотництва і фінанцій. О увольнїню ся подля нёго мало вырїшыти на осінь. Резорт зміну терміну одоводнює потребов підвышіня основного іманіа ОЗП в авґустї.

(TASR, Шутіова)