Пряшівськый містьскый посланець Рудолф Д. достав за злочін приїманя уплатку пятьрочный безусловный трест однятя слободы. Одбыти собі го мать в інштитуті з мінімалным ступіньом стражіня. Вчера о тім вырішыв самосудця Шпеціалізованого карного суду (ŠTS) в Пезінку. Вердікт не є правоплатным, кедь же прокуратор і обжалованый подали протів ньому одкликаня. Про пресаґентуру TASR то увела говоркыня ŠTS Катаріна Кудйакова. О одкликаню буде вырішувати Найвысшый суд СР. Довжка тресту пряшівського посланця є на долній границі карной таріфы. Рудолф Д. мав од інвестора ледовой плохы жадати в апрілі 2018-го року уплаток у вышці 20.000 евр. Рудолф Д. одмітать, же бы жадав  ці прияв уплаток. Чує ся быти невинным. (TASR, Pkf)