Пріорітами Міністерства господарства в роцї 2018 будуть в области енерґетікы главно реформа підпоры обновительных здроїв енерґії і реформа таріфы з превадзкованя сістему. В четверь то на пресконференції увів шеф МГ СР Петер Жіґа, за участи резортных штатных таёмників Растїслава Хованца і Войтєха Ференца. Підпора обновительных здорїв енерґії буде мати подля Жіґу дві новинкы. „Хотїли бы сьме зробить тзв. централізацію выкупу електрикы посередніцьтвом єднотного выкупцу. Доднесь выкупують електрику з обновительных здроїв дістрібучны сполочности, Западо-, Середнё- і Выходо-словацькы електратнї. Тото бы сьме хотїли змінити, од року 2019 бы мав быти єден выкупця, што буде простїше і адміністратівно,“ авізовав Жіга.
(TASR)