Міністерство внутрїшнїх дїл выголосило верейне обстараваня на три новы вецеучеловы гелікоптеры. Строї бы міг резорт насадити на засяговы і захранны операції враховано гашіня пожарів на Словеньску і мімо державы в рамках проґраму rescEU. Міністерство передпокладать, же цїлкова годнота рамцовой змлувы на накуп вертулників ся достане на уровень 133 міліонів евр. Часть зо сумы резорт заплатить з ґранту Европской унії. TASR о тім інформовав говорця міністерства Матєй Нойман. ,,Словеньско ся так стане актівным прыспівателём до сполочной европской сістемы помочі, способным помочі інакшым державам в припадї катастрофічных пожарів або жывелных погром,“ увів говорця.

(TASR, Шутіова)