Найліпшым рішіньом бы подля премьєра СР Роберта Фіца было приступити к зміні Карного порядку і цілком зрушыти інштітут ,,каюцника‟. Означів го за порядок, котрый немать довіру. Увів то в суботу в реакції на вердікт Уставного суду СР позаставити діяня зміны Карного порядку, котра ся тыкать непоужытельности доказів здобытых од співпрацюючой особы, так званого ,,каюцника‟. Председа влады окрім іншого повів, же правна управа, котрой діяня є позаставлена, є подля нього добра, і покы Уставный суд вырішыть, мусять дїяти. „Думам собі єднако, же кебы судцове Уставного суду на власній шкірі зажыли то, што сьме зажывали мы в роках 2020 аж 2023, так бы ниґда такый вердікт не публіковали. Наспак, зразу бы зметли зо стола поданя ґенералного прокуратора,“ додав. (TASR, Пкф)