x

Резорт здравотництва переоцінює припадну третю давку вакціны

00

Міністерство здравотництва цілый час переоцінює припадне подаваня третьой давкы вакціны проти хвороты COVID-19. Про TASR то повіла говоркыня резорту Зузана Еліашова з тым, же сітуацію „барз позорно“ слідують і переоцінюють. Поданя третьой давкы буде подля говоркыні резорту залежати од фаховых штудій і рекомендацій, причім важным буде і рішіня выробців вакцін, Европской ліковой аґентуры ці Світовой здравотницькой орґанізації. На вопрос, ці бы Словакія мала в припаді схваліня третьой давкы потрібны засобы вакцін, Міністерство здравотництва одповіло, же їх є актуално на Словакії доста. Доповнило, же сітуацію „барз позорно слідує і допереду реаґує“.

(Медвідь, TASR)