Точну суму мінімалной мзды на рік 2020 іщі резорт роботы говорити не буде. Повів то в понедільок по їднаню Господарьской і соціалной рады Словацькой републікы міністер роботы Ян Ріхтер. Будьякы задумы суть в тім напрямі подля нього передчасны. „Резорт роботы, котрый є в смыслі закона зодповідный передложыти пропозіцію, покля бы пришло ку незгоді, не буде говорити жадны конкретны точны чісла. Схосновав єм выражіня рапідне піднятя, за тым собі стою, но в тім моменті є простор про соціалных партнерів, жебы собі сіли і выїднавали. Єм приготовленый до того залучіти ся за третього соціалного партнера, котрым є держава,“ повів Ріхтер. Депутат партії Smer-SD Ерік Томаш недавно назначів, же бы мінімална мзда могла нароснути на 600 евр в слідуючім році, чім бы досягла приблизно уровни 60-ох процент середньой мзды, што рекомендує Меджінародна орґанізація роботы.

(Медвідь, TASR)