Брексіт може значіти про многых Словаків проблем, зато бы їх підпредседа влады СР про інвестіції а інформатізацію Ріхард Раші (Смер- СД) рад привитав дома. Заміряти сяхоче главно на одборників з области ІТ про котрых была у четвер пополідне порихтована в Лондонї подїя Work in Slovakia/ Good Idea! ,,Є компліковане передвідїти допады брексіту, кедже ся сітуація мінить з дня на день. Брексіт може уближыти тым Словакам, котры не мають ґарантованый тырвалый побит в Споєнім кралёвстві, то значіть, же ту не жыють веце як пять років. Мы такых робітных людей з добрым языковым выбавлїнєм потребуємє дома як сіль”. познаменав Раші з тым, же на Словеньску нам хыблять шпеціалісты в области ІТ. Раші собі думать, же ,, заступцёве заместнавателїв в тім секторї знають понукнути такы платовы условія і іншы бенефіты, же ся людём зо заграніча оплатить вернути”. Дале познаменав: ,,Oсобно собі думам, же найвекшов мотіваціёв вернути ся назад на Словеньско є родина і приятельства, котры роботов в заграничу терплять. Дома є дома.” закінчів.

(ТАSR, Шутіова)