Пряшівскый самосправный край  в тых днях дістрібує антіґеновы тесты амбуланціям здравотной старостливости на теріторії свого краю. Цалком сто тісяч тестів, котры самосправа перевзяла од Справы штатных матеріалных резерв СР, мать помочі скоршій ідентіфікації  новых припадів коронавірусу. Амбуланції, котрых є на теріторії края 1700, собі мусять о тесты і їх доданя пожадати формов електронічной жадости. Пресову аґентуру TASR о тім інформовала говоркыня края Даша Єленьова. (TASR, Pkf)