Місто Снина в будучім року в рамках своїх капіталовых выдавків інвестує найвеце фінанчных средств до соціалной области, еколоґії і културной дїдовизны. Выходить то з розрахунку міста на рік 2021, котрый у четверь схвалило містьске заступітельство. Найвеце выдавків, котры сниньска самосправа на будучій рік обчекує, є проєкт ,,Заряджіня опатрёвательской службы і денный стаціонарь”. Місто на нёго выдїлило скоро 750.000 евр. Ревіталізація тзв. малого каштеля планована дякуючі меджінародному проєкту є вырахована на веце як 0,5 міліона евр, містьского історічного парку на скоро 0,4 міліона. О штось векшый розрахунок є становленый на зачатя проєкту ,, Снина – місто приготовлене на кліматічну зміну”. Снинчане тыж можуть будучій рік обчековати реконштрукції містной дорожной і пішой інфраштруктуры довєдна за 220.000 евр.

(TASR, Шутіова)