Список менєй різіковых країн ся зужить о Булгарiю і Чорну Гору. Розширить ся о країны, як Голандія, Белґія, Іспанія, Франція, Італія і Ірско. З країн мімо ЕУ суть то Австралія, Новый Зеланд, Японія, Южна Кореа і Кітай. Інформовав о тім премєр Іґор Матовіч (OĽaNO) по четверёвім конзілію епідеміолоґів і інфектолоґів. Головный гіґіенік СР Ян Мікас підчеркнув, же список ся може надале мінити на основі актуалной сітуації. Мапу різіковых країн будуть подля ёго слов перегодночовати приближно кажды два тыжднї, жебы доволенкарї знали лїпше зважити свою путь.  Оборницї в тім повязаню вызвали людей, жебы зважили путь до заграніча, як і способ транспорту ці уквартелёваня.

(TASR, Шутіова)