x

Стромом рока ся став Драчій дуб з Лозорна

00

Стромом рока ся став Драчій дуб з Лозорна. Од верейности здобыв 5916 голосів. На ярь буде репрезентовати Словакію на змаганю Европскый стром рока. TASR o тім інформовала Мартіна Раґалова Громадова з Надації Екополіс. Анкета Стром рока святкує тот рік 20. юбілей. На другім місцї скончіла липа великолиста зо села Опіна, окрес Кошіцї-околіця. Третє місце належить буку лїсному зо Свырчіновця з окресу Чадца, увела Раґалова Громадова. На каждого з вітязів чекать подля нєй посуджіня і ошетріня одборниками в годнотї 300 евр. ,,Дякуючі сполупрацї з ІСА Словакія ся нам каждый рік дарить ошетрoвати і такы стромы, котры нам были до анкеты номінованы, но до фінале ся не достали. Їх став сі але часто заслужить о то векшу позорність,“ приближыла Раґалова Громадова. Третїй раз ся в анкетї одбыло і верейне саджіня стромів. Тот рік высадила надація 40 лип великолистых у Великім Біелі.

(TASR, Шутіова)