Европска унія бы ся мала вецей орєнтувати на заосталы малы міста і села, а то і в Пряшівскім самосправнім краю (PSK). Таку претензію высловив председа PSK Мілан Маєрьскый в Бруселі в рамках Европского тыждня реґіонів і міст, де ся говорило і о будучности бютжетного періоду EÚ. Фінанчны средства з европскых фондів бы за словами Маєрьского помогли розвою реґіонів. Тот ся снажыть наштартувати  самосправа і завдякы ініціятивы EÚ „Catching-up Regions“, котрой снагов є підпорити худобнішы реґіоны. Як далі повів Маєрьскый, „неодкладнов векшов інвестиційов є наприклад водный резеровар Старина, котрый засобує водов  на питя, але парадохні не обывателів в близькости Старины. Они ся в сучасности мусять сполігати на часто знечищену воду з властных студні“ (TASR, Pkf)