Першый репатріачный лет з доволенкарами на пожаром засягнутім ґрецькім острові Родос  вчера прилетів о 20.35 год на братіславскім летіску М.Р. Штефаніка. З Родосу одлетів по півночі і дальшый репатріачный лет, котрый пристав надраном в Брні, словацькых путуючіх перевезли до Братіславы автобусами. Поміч понукать і презідентка Зузана Чапутова. Канцеларія презіденткы СР є прото в контакті  з міністерством заграничных справ і словацькым амбасадором в Ґреції. Сітуаціа у звязку з пожарами на ґрецькім острові Родос собі покы невыжадує высланя владного шпеціалу. Єдночасно зо споминанов сітуаційов на острові Родос  вчера засідав і крізовый штаб Словацькой асоціації турістичных канцеларій і турістичных аґентур, котры їднали о оператівнім рішіню сітуації і можности репатріовати евакуованых доволенкарів до Словацькой републикы. (TASR, Pkf)