В понедільок 28-го януара одбыла ся стріча представителів русиньскых орґанізацій із кошыцькым ґрекокатолицькым єпархом владыком Міланом (Хаутуром) і далшыма представителями єпархії. Русиньскы орґанізації заступали Петро Ярінчік, Петро Мацко і Анна Розкошова за орґанізацію молоды.Русины, Петро Штефаняк за Rusyn Media, котрый із повіріня председы Русиньской оброды на Словеньску одпрезентовав і роботу нашой найстаршой поревулочной орґанізації, і трьоми представителі Общества св. Йоана Крестителя, отцьове Мілан Ясик, Іван Барна і Мартін Костілник. На стрічі быв повіреный душпатырьством Русинів на теріторії міста Кошыці єромонах Кассіян (Дрозд). Далше ся доїднало практікованя русиньскых церьковных тлумачінь в кошыцькім Катедралнім соборі – чітаня апостола, євангелії і проповідь на вечурніх церьковнославяньскых літурґіях у віторок і на свято, котре выйде через тыждень. Раз за місяць бы ся мала в радію русин ФМ высылати літурґія як раз з кошыцького собору. Общество Крестителя завязало ся додати літурґічны тлумачіня про потребы Кошыць.

(Розкошова, Медвідь)