Днесь,  17-го юла, минуло 10 років од траґедії, коли захранарьска гелікоптера пала до роклины в Словацькім раю, забравшы жывот вшыткым членам його тіму. Летіли на поміч, але самi стали ся жертвами. В подвечурніх годинах 17-го юла 2015-го року чеськый туріста пожадав Горьску захранарьску службу о поміч про німецького десятьрічного хлопця, котрый пав в Приломі Горнаду. В наслідку паджіня поранив собі голову і ногу. На місце выштартовав захранарьска гелікоптера сполочности Air-Transport Europe (ATE), на палубі котрого были четверо рятовників. Гелікоптера спомянутой сполочности, котра выштартовала з Попраду, але при приближованю к пораненому хлопцьови пала в Клашторній роклині в Націоналнім парку Словацькый рай. О жывот пришов штирічленный тім. (TASR, Pkf)