Бывшый поліцайный презідент Тібор Ґашпар подавать трестне ознамлїня. Прічінов мать быти способ, якым ся здобывають і удїлюють інформації з вышетрёвацого тіму в припадї вражды новинаря Яна Куцяка і ёго снубениці Мартіны Кушнїровой. Інформує о тім портал ТВ Йой Новіны.ск

,,Подавам трестне ознамлїня, котре єм закваліфіковав я особно як ознамователь, за підозріня зо знеужываня права верейного чінітеля, припадно за підозрїня зо спаханя трестного чіну маріня справодливости а інше.” увів Ґашпар в телефонічнїй бісїдї про ТВ Йой. Ґашпар подля телевізії за підозрїня поважує то, як ся здобывають і удїлюють інформації з вышетрёвацого тіму. ,,Думам сі, же є там веце розпорів з трестным порядком а способіє то з мого погляду шкоды на самотнім вышетрёваню, але і конкретным особам. Таже смерую трестне ознамлїня вочі особам, котры так конають.”выголосив з тым, же собі думать, же хтось бы міх хотїти марити вышетрёваня вражды або го докінця аж маніпуловати.

(TASR, Шутіова)