Унія міст Словеньска жадать владу СР о што найскоріше приятя  lockdownu. Єй членове ся на тім згодли по вчерайшім онлайн їднаню. Днешня епідеміолоґічна сітуація є в дакотрых містах подля них неутримательна. Пресову аґентуру TASR о тім інформувала говоркыня унії Данєла Піршелова. Унія єдночасно цалком підпорує высловы презіденткы СР Зузаны Чапутовой, котра ся поставила на bik одборників, науковців і ехпертів. Тоты верейности представили десяторо рекомандацій на спомаліня шыріня нового коронавірусу. Міста і самосправы прото апелують на вызшу одповідність обывателів і підпорують рекомандації одборників в тім, абы были строгішы опатріня в країні прияты што найскорше. (TASR, Pkf)