Резорт школства заведе в тім роцї реґіоналны приспівкы про педаґоґічных і одборных заместнанцїв. Перероздїлить 60 міліонів евр. Першыраз ся мають выплачати в апрілю. Цїлём є прилакати і утримати веце кваліфікованых педаґоґів в теріторіях, де є найвекшый недостаток учітелїв. На четверёвій тисковій конференції то увів міністер школства, баданя, розвитку і молодежі СР Томаш Друкер (Hlas-SD). Як авізовав, вышка реґіоналного приспівку ся становить на основі порівнаня платів педаґоґічных і одборных заместнанцїв з прємерным платом высокошкольскы едукованых заместнанцїв в области. Найвысшый приспівок бы подля ёго слов мало мати місто Братїслава на уровни 145 евр, найнизшый приспівок є на уровни 30 евр. Резорт школства опублікує методіку придїлёваня приспівку на своїй сторінцї. Выплачати ся буде в трёх термінах.

(TASR, Шутіова)